5. වස්සකාරසුත්තවණ්ණනා
35. පඤ්චමෙ අරියෙ ඤායෙති සංකිලෙසතො ආරකත්තා අරියෙ නිද්දොසෙ පරිසුද්ධෙ නිය්යානිකධම්මභාවතො ඤායෙ කාරණෙති අත්ථො. ඤායති නිච්ඡයෙන කමති නිබ්බානං, තං වා ඤායති පටිවිජ්ඣීයති එතෙනාතී ඤායො, අරියමග්ගො. සො එව ච සම්පාපකහෙතුභාවතො කාරණන්ති වුච්චති. ඉධ පන සහ විපස්සනාය අරියමග්ගො අධිප්පෙතොති ආහ ‘‘සහවිපස්සනකෙ මග්ගෙ’’ති. ගාථාසු ‘‘ඤායං ධම්ම’’න්ති එත්ථාපි එසෙව නයො.
වස්සකාරසුත්තවණ්ණනා නිට්ඨිතා.