5-6. උපවාණසුත්තාදිවණ්ණනා

175-6. පඤ්චමෙ විජ්ජායාති දිබ්බචක්ඛුපුබ්බෙනිවාසානුස්සතිආසවක්ඛයඤාණසඞ්ඛාතාය තිවිධාය විජ්ජාය, අට්ඨවිධාය වා. අට්ඨවිධාපි හි විජ්ජා විපස්සනාඤාණෙන මනොමයිද්ධියා ච සහ අභිඤ්ඤා පරිග්ගහෙත්වා වුත්තා. පන්නරසධම්මභෙදෙන චරණෙන සමන්නාගතොති සීලසංවරො, ඉන්ද්‍රියෙසු ගුත්තද්වාරතා, භොජනෙ මත්තඤ්ඤුතා, ජාගරියානුයොගො, සද්ධා, හිරී, ඔත්තප්පං, බාහුසච්චං, වීරියං, සති, පඤ්ඤා, චත්තාරි රූපාවචරජ්ඣානානීති එවං පන්නරසභෙදෙන චරණධම්මෙන සමන්නාගතො. ඉමෙයෙව හි පන්නරස ධම්මා යස්මා එතෙහි චරති අරියසාවකො ගච්ඡති අමතං දිසං, තස්මා ‘‘චරණ’’න්ති වුත්තා. ඡට්ඨෙ නත්ථි වත්තබ්බං.

උපවාණසුත්තාදිවණ්ණනා නිට්ඨිතා.