3-4. මහාකොට්ඨිකසුත්තාදිවණ්ණනා

173-4. තතියෙ ඵස්සායතනානන්ති එත්ථ ආකරට්ඨො ආයතනසද්දොති ආහ ‘‘ඵස්සාකරාන’’න්තිආදි. ‘‘සුවණ්ණායතනං, රජතායතන’’න්තිආදීසු ආකරොපි ‘‘ආයතන’’න්ති වුත්තො, සඤ්ජාතිසමොසරණාදිවසෙනපි ආයතනට්ඨො ලබ්භතියෙව. මා-ඉති පටිසෙධෙ නිපාතො. ස්වායං ඡන්නං ඵස්සායතනානං අසෙසං විරාගනිරොධා අත්ථඤ්ඤං වචනං කිඤ්චීති සන්ධායාහාති ආහ ‘‘මා භණීති අත්ථො’’ති. පඤ්චඵස්සායතනානි නිරුද්ධානීති චක්ඛාදීනඤ්ච තත්ථ අභාවං සන්ධාය වදති. ඡට්ඨස්සාති මනායතනස්ස. චතුත්ථෙ නත්ථි වත්තබ්බං.

මහාකොට්ඨිකසුත්තාදිවණ්ණනා නිට්ඨිතා.