3. දුතියසමාධිසුත්තවණ්ණනා

93. තතියෙ අප්පටිවානීති භාවප්පධානො නිද්දෙසොති ආහ ‘‘අනිවත්තනතා’’ති. ‘‘අප්පටිවානිතා’’ති වත්තබ්බෙ ‘‘අප්පටිවානී’’ති වුත්තං. තථා හි වීරියප්පවාහෙ වත්තමානෙ අන්තරා එව පටිගමනං නිවත්තනං පටිවානං, තං අස්ස අත්ථීති පටිවානී, න පටිවානී අප්පටිවානී, තස්ස භාවො අප්පටිවානිතා, අනිවත්තනාති අත්ථො. අප්පටිවානීති වා ඉත්ථිලිඞ්ගවසෙනෙවායං නිද්දෙසො. අන්තරායෙව පටිගමනං නිවත්තනං පටිවානී, න පටිවානී අප්පටිවානී, අනිවත්තනාති අත්ථො.

දුතියසමාධිසුත්තවණ්ණනා නිට්ඨිතා.