4. තතියසමාධිසුත්තවණ්ණනා
94. චතුත්ථෙ සණ්ඨපෙතබ්බන්ති සම්මදෙව ඨපෙතබ්බං. යථා පන ඨපිතං සණ්ඨපිතං හොති, තං දස්සෙතුං ‘‘සන්නිසාදෙතබ්බ’’න්තිආදි වුත්තං. තත්ථ සන්නිසාදෙතබ්බන්ති සමාධිප්පටිපක්ඛෙ කිලෙසෙ සන්නිසීදාපෙන්තෙන චිත්තං ගොචරජ්ඣත්තෙ සන්නිසීදාපෙතබ්බන්ති. එකොදි කාතබ්බන්ති අබ්‍යග්ගභාවාපාදනෙන එකග්ගං කාතබ්බං. සමාදහිතබ්බන්ති යථා ආරම්මණෙ සුට්ඨු අප්පිතං හොති, එවං සම්මා සම්මදෙව ආදහිතබ්බං, සුට්ඨු ආරොපෙතබ්බං සමාහිතං කාතබ්බන්ති අත්ථො.
තතියසමාධිසුත්තවණ්ණනා නිට්ඨිතා.