9. ජාණුස්සොණිසුත්තවණ්ණනා
60. නවමෙ දෙය්යධම්මස්සෙතං නාමන්ති යාගං කරොන්තෙන දාතබ්බදෙය්යධම්මං සන්ධාය වදති තදඤ්ඤස්ස පාළියං දෙය්යධම්මග්ගහණෙනෙව ගහිතත්තා. මතකභත්තන්ති මතකෙ උද්දිස්ස දාතබ්බභත්තං, පිතුපිණ්ඩන්ති වුත්තං හොති. වරපුරිසානන්ති විසිට්ඨපුරිසානං, උත්තමපුරිසානන්ති අත්ථො. සබ්බමෙතං දානන්ති යථාවුත්තභෙදං යඤ්ඤසද්ධාදිදානං.
ජාණුස්සොණිසුත්තවණ්ණනා නිට්ඨිතා.