7. වංසඞ්ගපඤ්හො

7. ‘‘භන්තෙ නාගසෙන, ‘වංසස්ස එකං අඞ්ගං ගහෙතබ්බ’න්ති යං වදෙසි, කතමං තං එකං අඞ්ගං ගහෙතබ්බ’’න්ති? ‘‘යථා, මහාරාජ, වංසො යත්ථ වාතො, තත්ථ අනුලොමෙති, නාඤ්ඤත්ථමනුධාවති, එවමෙව ඛො, මහාරාජ, යොගිනා යොගාවචරෙන යං බුද්ධෙන භගවතා භාසිතං නවඞ්ගං සත්ථු සාසනං, තං අනුලොමයිත්වා කප්පියෙ අනවජ්ජෙ ඨත්වා සමණධම්මං යෙව පරියෙසිතබ්බං. ඉදං, මහාරාජ, වංසස්ස එකං අඞ්ගං ගහෙතබ්බං. භාසිතම්පෙතං මහාරාජ ථෙරෙන රාහුලෙන –

‘‘‘නවඞ්ගං බුද්ධවචනං, අනුලොමෙත්වාන සබ්බදා;

කප්පියෙ අනවජ්ජස්මිං, ඨත්වාපායං සමුත්තරි’’’න්ති.

වංසඞ්ගපඤ්හො සත්තමො.