4. භගවතො බ්‍රහ්මචාරිපඤ්හො

4. රාජා ආහ ‘‘භන්තෙ නාගසෙන, බුද්ධො බ්‍රහ්මචාරී’’ති? ‘‘ආම, මහාරාජ, භගවා බ්‍රහ්මචාරී’’ති. ‘‘තෙන හි, භන්තෙ නාගසෙන, බුද්ධො බ්‍රහ්මුනො සිස්සො’’ති? ‘‘අත්ථි පන තෙ, මහාරාජ, හත්ථිපාමොක්ඛො’’ති? ‘‘අත්ථි, භන්තෙ’’ති. ‘‘කිංනු ඛො, මහාරාජ, සො හත්ථී කදාචි කරහචි කොඤ්චනාදං නදතීති? ‘‘ආම, භන්තෙ, නදතී’’ති ‘‘තෙන හි, මහාරාජ, සො හත්ථී කොඤ්චසකුණස්ස සිස්සො’’ති? ‘‘න හි, භන්තෙ’’ති. ‘‘කිං පන, මහාරාජ, බ්‍රහ්මා සබුද්ධිකො අබුද්ධිකො’’ති? ‘‘සබුද්ධිකො, භන්තෙ’’ති. ‘‘තෙන හි, මහාරාජ, බ්‍රහ්මා භගවතො සිස්සො’’ති.

‘‘කල්ලොසි, භන්තෙ නාගසෙනා’’ති.

භගවතො බ්‍රහ්මචාරිපඤ්හො චතුත්ථො.