317. මතරොදනජාතකං (4-2-7)

65. මතං මතං එව [මතමතමෙව (සී. ස්‍යා. පී.)] රොදථ, න හි තං රොදථ යො මරිස්සති;

සබ්බෙපි [සබ්බෙව (සී. ස්‍යා. පී.)] සරීරධාරිනො, අනුපුබ්බෙන ජහන්ති ජීවිතං.

66. දෙවමනුස්සා චතුප්පදා, පක්ඛිගණා උරගා ච භොගිනො;

සම්හි [යම්හි (ස්‍යා.), අස්මිං (පී. ක.)] සරීරෙ අනිස්සරා, රමමානාව ජහන්ති ජීවිතං.

67. එවං චලිතං අසණ්ඨිතං, සුඛදුක්ඛං මනුජෙස්වපෙක්ඛිය;

කන්දිතරුදිතං නිරත්ථකං, කිං වො සොකගණාභිකීරරෙ.

68. ධුත්තා ච සොණ්ඩා [ධුත්තා සොණ්ඩා (සී.), ධුත්තා සොණ්ඩා ච (ස්‍යා.)] අකතා, බාලා සූරා අයොගිනො [බාලා සූරා වීරා අයොගිනො (පී.)];

ධීරං මඤ්ඤන්ති බාලොති, යෙ ධම්මස්ස අකොවිදාති.

මතරොදනජාතකං සත්තමං.