305. සීලවීමංසනජාතකං (4-1-5)
17. නත්ථි ලොකෙ රහො නාම, පාපකම්මං පකුබ්බතො;
පස්සන්ති වනභූතානි, තං බාලො මඤ්ඤතී රහො.
18. අහං රහො න පස්සාමි, සුඤ්ඤං වාපි න විජ්ජති;
යත්ථ අඤ්ඤං [සුඤ්ඤං (ස්‍යා. ක.)] න පස්සාමි, අසුඤ්ඤං හොති තං මයා.
19. දුජ්ජච්චො ච සුජච්චො [අජච්චො (පී.)] ච, නන්දො ච සුඛවඩ්ඪිතො [සුඛවච්ඡකො (සී.), සුඛවච්ඡනො (ස්‍යා. පී.)];
වෙජ්ජො ච අද්ධුවසීලො [අථ සීලො (ක.)] ච, තෙ ධම්මං ජහු මත්ථිකා.
20. බ්‍රාහ්මණො ච කථං ජහෙ, සබ්බධම්මාන පාරගූ;
යො ධම්මමනුපාලෙති, ධිතිමා සච්චනික්කමොති.
සීලවීමංසනජාතකං පඤ්චමං.