6. දුතියරංසිසඤ්ඤකත්ථෙරඅපදානං

35. ‘‘පබ්බතෙ හිමවන්තම්හි, වාකචීරධරො අහං;

චඞ්කමඤ්ච සමාරූළ්හො, නිසීදිං පාචිනාමුඛො.

36. ‘‘පබ්බතෙ සුගතං දිස්වා, ඵුස්සං ඣානරතං තදා;

අඤ්ජලිං පග්ගහෙත්වාන, රංස්‍යා චිත්තං පසාදයිං.

37. ‘‘ද්වෙනවුතෙ ඉතො කප්පෙ, යං සඤ්ඤමලභිං තදා;

දුග්ගතිං නාභිජානාමි, රංසිසඤ්ඤායිදං ඵලං.

38. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා රංසිසඤ්ඤකො ථෙරො ඉමා ගාථායො අභාසිත්ථාති.

දුතියරංසිසඤ්ඤකත්ථෙරස්සාපදානං ඡට්ඨං.