5. එකසඤ්ඤකත්ථෙරඅපදානං

18. ‘‘ඛණ්ඩො නාමාසි නාමෙන, විපස්සිස්සග්ගසාවකො;

එකා භික්ඛා මයා දින්නා, ලොකාහුතිපටිග්ගහෙ.

19. ‘‘තෙන චිත්තප්පසාදෙන, ද්විපදින්ද නරාසභ;

දුග්ගතිං නාභිජානාමි, එකභික්ඛායිදං ඵලං.

20. ‘‘චත්තාලීසම්හිතො කප්පෙ, වරුණො නාම ඛත්තියො;

සත්තරතනසම්පන්නො, චක්කවත්තී මහබ්බලො.

21. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා එකසඤ්ඤකො ථෙරො ඉමා ගාථායො අභාසිත්ථාති.

එකසඤ්ඤකත්ථෙරස්සාපදානං පඤ්චමං.