5. නාගපල්ලවත්ථෙරඅපදානං

118. ‘‘නගරෙ බන්ධුමතියා, රාජුය්‍යානෙ වසාමහං;

මම අස්සමසාමන්තා, නිසීදි ලොකනායකො.

119. ‘‘නාගපල්ලවමාදාය, බුද්ධස්ස අභිරොපයිං;

පසන්නචිත්තො සුමනො, සුගතං අභිවාදයිං.

120. ‘‘එකනවුතිතො කප්පෙ, යං පල්ලවමපූජයිං;

දුග්ගතිං නාභිජානාමි, බුද්ධපූජායිදං ඵලං.

121. ‘‘කිලෙසා ඣාපිතා මය්හං…පෙ… විහරාමි අනාසවො.

122. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

123. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා නාගපල්ලවො ථෙරො ඉමා ගාථායො අභාසිත්ථාති.

නාගපල්ලවත්ථෙරස්සාපදානං පඤ්චමං.