7. ලසුණදායකත්ථෙරඅපදානං

89. ‘‘හිමවන්තස්සාවිදූරෙ, තාපසො ආසහං තදා;

ලසුණං උපජීවාමි, ලසුණං මය්හභොජනං.

90. ‘‘ඛාරියො පූරයිත්වාන, සඞ්ඝාරාමමගච්ඡහං;

හට්ඨො හට්ඨෙන චිත්තෙන, සඞ්ඝස්ස ලසුණං අදං.

91. ‘‘විපස්සිස්ස නරග්ගස්ස, සාසනෙ නිරතස්සහං;

සඞ්ඝස්ස ලසුණං දත්වා, කප්පං සග්ගම්හි මොදහං.

92. ‘‘එකනවුතිතො කප්පෙ, ලසුණං යමදං තදා;

දුග්ගතිං නාභිජානාමි, ලසුණස්ස ඉදං ඵලං.

93. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා ලසුණදායකො ථෙරො ඉමා ගාථායො අභාසිත්ථාති;

ලසුණදායකත්ථෙරස්සාපදානං සත්තමං.