6. ගන්ධමුට්ඨියත්ථෙරඅපදානං

33. [ඉධ ගාථාද්ධං ඌනං විය දිස්සති] ‘‘චිතකෙ කරීයමානෙ, නානාගන්ධෙ සමාහතෙ;

පසන්නචිත්තො සුමනො, ගන්ධමුට්ඨිමපූජයිං.

34. ‘‘සතසහස්සිතො කප්පෙ, චිතකං යං අපූජයිං;

දුග්ගතිං නාභිජානාමි, චිතපූජායිදං ඵලං.

35. ‘‘කිලෙසා ඣාපිතා මය්හං…පෙ… විහරාමි අනාසවො.

36. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

37. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා ගන්ධමුට්ඨියො ථෙරො ඉමා ගාථායො අභාසිත්ථාති.

ගන්ධමුට්ඨියත්ථෙරස්සාපදානං ඡට්ඨං.