7. චිතකපූජකත්ථෙරඅපදානං

38. ‘‘පරිනිබ්බුතෙ භගවති, ජලජුත්තමනාමකෙ;

ආරොපිතම්හි චිතකෙ, සාලපුප්ඵමපූජයිං.

39. ‘‘සතසහස්සිතො කප්පෙ, යං පුප්ඵමභිපූජයිං;

දුග්ගතිං නාභිජානාමි, චිතපූජායිදං ඵලං.

40. ‘‘කිලෙසා ඣාපිතා මය්හං…පෙ… විහරාමි අනාසවො.

41. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

42. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.

චිතකපූජකත්ථෙරස්සාපදානං සත්තමං.