7. සුපුටකපූජකත්ථෙරඅපදානං

26. ‘‘දිවාවිහාරා නික්ඛන්තො, විපස්සී ලොකනායකො;

භික්ඛාය විචරන්තො සො, මම සන්තිකුපාගමි.

27. ‘‘තතො පතීතො සුමනො, බුද්ධසෙට්ඨස්ස තාදිනො;

ලොණසුපුටකං දත්වා, කප්පං සග්ගම්හි මොදහං.

28. ‘‘එකනවුතිතො කප්පෙ, යං පුටකමදාසහං;

දුග්ගතිං නාභිජානාමි, පුටකස්ස ඉදං ඵලං.

29. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සුපුටකපූජකො ථෙරො ඉමා ගාථායො අභාසිත්ථාති.

සුපුටකපූජකත්ථෙරස්සාපදානං සත්තමං.