10. පිණ්ඩපාතිකත්ථෙරඅපදානං

37. ‘‘තිස්සො නාමාසි සම්බුද්ධො, විහාසි විපිනෙ තදා;

තුසිතා හි ඉධාගන්ත්වා, පිණ්ඩපාතං අදාසහං.

38. ‘‘සම්බුද්ධමභිවාදෙත්වා, තිස්සං නාම මහායසං;

සකං චිත්තං පසාදෙත්වා, තුසිතං අගමාසහං.

39. ‘‘ද්වෙනවුතෙ ඉතො කප්පෙ, යං දානමදදිං තදා;

දුග්ගතිං නාභිජානාමි, පිණ්ඩපාතස්සිදං ඵලං.

40. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පිණ්ඩපාතිකො ථෙරො ඉමා ගාථායො අභාසිත්ථාති.

පිණ්ඩපාතිකත්ථෙරස්සාපදානං දසමං.

සද්දසඤ්ඤකවග්ගො ඡත්තිංසතිමො.