3. හාසජනකත්ථෙරඅපදානං
13. ‘‘දුමග්ගෙ පංසුකූලකං [පංසුකූලිකං (ස්‍යා. ක.)], ලග්ගං දිස්වාන සත්ථුනො;
අඤ්ජලිං පග්ගහෙත්වාන, භිය්‍යො උච්චාරිතං මයා.
14. ‘‘දූරතො පන දිස්වාන [පතිදිස්වාන (සී. ස්‍යා.)], හාසො මෙ උදපජ්ජථ;
අඤ්ජලිං පග්ගහෙත්වාන, භිය්‍යො චිත්තං පසාදයිං.
15. ‘‘එකනවුතිතො කප්පෙ, යං සඤ්ඤමලභිං තදා;
දුග්ගතිං නාභිජානාමි, බුද්ධසඤ්ඤායිදං ඵලං.
16. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා හාසජනකො ථෙරො ඉමා ගාථායො අභාසිත්ථාති.
හාසජනකත්ථෙරස්සාපදානං තතියං.