10. පබ්භාරදායකත්ථෙරඅපදානං

47. ‘‘පියදස්සිනො භගවතො, පබ්භාරො සොධිතො මයා;

ඝටකඤ්ච උපට්ඨාසිං, පරිභොගාය තාදිනො.

48. ‘‘තං මෙ බුද්ධො වියාකාසි, පියදස්සී මහාමුනි;

සහස්සකණ්ඩො සතභෙණ්ඩු [සතගෙණ්ඩු (ස්‍යා. ක.)], ධජාලු හරිතාමයො.

49. ‘‘නිබ්බත්තිස්සති සො යූපො, රතනඤ්ච අනප්පකං;

පබ්භාරදානං දත්වාන, කප්පං සග්ගම්හි මොදහං.

50. ‘‘ඉතො බාත්තිංසකප්පම්හි, සුසුද්ධො නාම ඛත්තියො;

සත්තරතනසම්පන්නො, චක්කවත්තී මහබ්බලො.

51. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පබ්භාරදායකො ථෙරො ඉමා ගාථායො අභාසිත්ථාති.

පබ්භාරදායකත්ථෙරස්සාපදානං දසමං.

පදුමකෙසරවග්ගො එකතිංසතිමො.