8. සත්තාහපබ්බජිතත්ථෙරඅපදානං

33. ‘‘විපස්සිස්ස භගවතො, සඞ්ඝො සක්කතමානිතො;

බ්‍යසනං මෙ අනුප්පත්තං, ඤාතිභෙදො පුරෙ අහු.

34. ‘‘පබ්බජ්ජං උපගන්ත්වාන, බ්‍යසනුපසමායහං;

සත්තාහාභිරතො තත්ථ, සත්ථුසාසනකම්‍යතා.

35. ‘‘එකනවුතිතො කප්පෙ, යමහං පබ්බජිං තදා;

දුග්ගතිං නාභිජානාමි, පබ්බජ්ජාය ඉදං ඵලං.

36. ‘‘සත්තසට්ඨිම්හිතො කප්පෙ, සත්ත ආසුං මහීපතී;

සුනික්ඛමාති ඤායන්ති, චක්කවත්තී මහබ්බලා.

37. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සත්තාහපබ්බජිතො ථෙරො ඉමා ගාථායො අභාසිත්ථාති.

සත්තාහපබ්බජිතත්ථෙරස්සාපදානං අට්ඨමං.