5. මඝවපුප්ඵියත්ථෙරඅපදානං
20. ‘‘නම්මදානදියා තීරෙ, සයම්භූ අපරාජිතො;
සමාධිං සො සමාපන්නො, විප්පසන්නො අනාවිලො.
21. ‘‘දිස්වා පසන්නසුමනො, සම්බුද්ධං අපරාජිතං;
තාහං මඝවපුප්ඵෙන, සයම්භුං පූජයිං තදා.
22. ‘‘එකනවුතිතො කප්පෙ, යං පුප්ඵමභිපූජයිං;
දුග්ගතිං නාභිජානාමි, බුද්ධපූජායිදං ඵලං.
23. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා මඝවපුප්ඵියො ථෙරො ඉමා ගාථායො අභාසිත්ථාති.
මඝවපුප්ඵියත්ථෙරස්සාපදානං පඤ්චමං.