7. චිතකපූජකත්ථෙරඅපදානං

27. ‘‘චන්දභාගානදීතීරෙ, අනුසොතං වජාමහං;

සත්ත මාලුවපුප්ඵානි, චිතමාරොපයිං අහං.

28. ‘‘චතුන්නවුතිතො කප්පෙ, චිතකං යමපූජයිං;

දුග්ගතිං නාභිජානාමි, චිතපූජායිදං ඵලං.

29. ‘‘සත්තසට්ඨිම්හිතො කප්පෙ, පටිජග්ගසනාමකා;

සත්තරතනසම්පන්නා, සත්තාසුං චක්කවත්තිනො [පටිජග්ගසනාමකො; සත්තරතනසම්පන්නො, චක්කවත්තී මහබ්බලො (ස්‍යා.)].

30. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.

චිතකපූජකත්ථෙරස්සාපදානං සත්තමං.