9. උපාගතාසයත්ථෙරඅපදානං

34. ‘‘හිමවන්තස්ස වෙමජ්ඣෙ, සරො ආසි සුනිම්මිතො;

තත්ථාහං රක්ඛසො ආසිං, හෙඨසීලො භයානකො.

35. ‘‘අනුකම්පකො කාරුණිකො, විපස්සී ලොකනායකො;

මමුද්ධරිතුකාමො සො, ආගච්ඡි මම සන්තිකං.

36. ‘‘උපාගතං මහාවීරං, දෙවදෙවං නරාසභං;

ආසයා අභිනික්ඛම්ම, අවන්දිං සත්ථුනො අහං.

37. ‘‘එකනවුතිතො කප්පෙ, යං වන්දිං පුරිසුත්තමං;

දුග්ගතිං නාභිජානාමි, වන්දනාය ඉදං ඵලං.

38. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා උපාගතාසයො [උපාගතහාසනියො (ස්‍යා.), උපාගතාහාසනියො (ක.)] ථෙරො ඉමා ගාථායො අභාසිත්ථාති.

උපාගතාසයත්ථෙරස්සාපදානං නවමං.