10. තරණියත්ථෙරඅපදානං

39. ‘‘සුවණ්ණවණ්ණො සම්බුද්ධො, විපස්සී දක්ඛිණාරහො;

නදීතීරෙ ඨිතො සත්ථා, භික්ඛුසඞ්ඝපුරක්ඛතො.

40. ‘‘නාවා න විජ්ජතෙ තත්ථ, සන්තාරණී මහණ්ණවෙ;

නදියා අභිනික්ඛම්ම, තාරෙසිං ලොකනායකං.

41. ‘‘එකනවුතිතො කප්පෙ, යං තාරෙසිං නරුත්තමං;

දුග්ගතිං නාභිජානාමි, තරණාය ඉදං ඵලං.

42. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා තරණියො ථෙරො ඉමා ගාථායො අභාසිත්ථාති.

තරණියත්ථෙරස්සාපදානං දසමං.

පදුමුක්ඛිපවග්ගො සත්තවීසතිමො.