8. සළලපුප්ඵියත්ථෙරඅපදානං

30. ‘‘චන්දභාගානදීතීරෙ, අහොසිං කින්නරො තදා;

විපස්සිං අද්දසං බුද්ධං, රංසිජාලසමාකුලං.

31. ‘‘පසන්නචිත්තො සුමනො, පරමාය ච පීතියා;

පග්ගය්හ සළලං පුප්ඵං, විපස්සිං ඔකිරිං අහං.

32. ‘‘එකනවුතිතො කප්පෙ, යං පුප්ඵමභිපූජයිං;

දුග්ගතිං නාභිජානාමි, බුද්ධපූජායිදං ඵලං.

33. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සළලපුප්ඵියො ථෙරො ඉමා ගාථායො අභාසිත්ථාති.

සළලපුප්ඵියත්ථෙරස්සාපදානං අට්ඨමං.