7. ජවහංසකත්ථෙරඅපදානං

26. ‘‘චන්දභාගානදීතීරෙ, ආසිං වනචරො තදා;

සිද්ධත්ථං අද්දසං බුද්ධං, ගච්ඡන්තං අනිලඤ්ජසෙ.

27. ‘‘අඤ්ජලිං පග්ගහෙත්වාන, උල්ලොකෙන්තො මහාමුනිං;

සකං චිත්තං පසාදෙත්වා, අවන්දිං නායකං අහං.

28. ‘‘චතුන්නවුතිතො කප්පෙ, යමවන්දිං නරාසභං;

දුග්ගතිං නාභිජානාමි, වන්දනාය ඉදං ඵලං.

29. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා ජවහංසකො ථෙරො ඉමා ගාථායො අභාසිත්ථාති.

ජවහංසකත්ථෙරස්සාපදානං සත්තමං.