4. පදීපදායකත්ථෙරඅපදානං

14. ‘‘දෙවභූතො අහං සන්තො, ඔරුය්හ පථවිං තදා;

පදීපෙ පඤ්ච පාදාසිං, පසන්නො සෙහි පාණිභි.

15. ‘‘චතුන්නවුතිතො කප්පෙ, යං පදීපමදං තදා;

දුග්ගතිං නාභිජානාමි, දීපදානස්සිදං ඵලං.

16. ‘‘පඤ්චපඤ්ඤාසකෙ කප්පෙ, එකො ආසිං මහීපති;

සමන්තචක්ඛුනාමෙන, චක්කවත්තී මහබ්බලො.

17. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පදීපදායකො [අපණ්ණදීපියො (සී. ක.)] ථෙරො ඉමා ගාථායො අභාසිත්ථාති.

පදීපදායකත්ථෙරස්සාපදානං චතුත්ථං.