4. තිචම්පකපුප්ඵියත්ථෙරඅපදානං

13. ‘‘හිමවන්තස්සාවිදූරෙ, විකතො [විකනො (සී. ස්‍යා.)] නාම පබ්බතො;

තස්ස වෙමජ්ඣෙ වසති, සමණො භාවිතින්ද්‍රියො.

14. ‘‘දිස්වාන තස්සොපසමං, විප්පසන්නෙන චෙතසා;

තීණි චම්පකපුප්ඵානි, ගහෙත්වාන සමොකිරිං.

15. ‘‘එකනවුතිතො කප්පෙ, යං පුප්ඵමභිපූජයිං;

දුග්ගතිං නාභිජානාමි, බුද්ධපූජායිදං ඵලං.

16. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා තිචම්පකපුප්ඵියො ථෙරො ඉමා ගාථායො අභාසිත්ථාති.

තිචම්පකපුප්ඵියත්ථෙරස්සාපදානං චතුත්ථං.