1. ථොමකත්ථෙරඅපදානං

1. ‘‘දෙවලොකෙ ඨිතො සන්තො, විපස්සිස්ස මහෙසිනො;

ධම්මං සුණිත්වා මුදිතො, ඉමං වාචං අභාසහං.

2. ‘‘‘නමො තෙ පුරිසාජඤ්ඤ, නමො තෙ පුරිසුත්තම;

බහුජ්ජනං [බහුං ජනං (සී.)] තාරයසි, දෙසෙන්තො අමතං පදං’.

3. ‘‘එකනවුතිතො කප්පෙ, යං වාචමභණිං තදා;

දුග්ගතිං නාභිජානාමි, ථොමනාය ඉදං ඵලං.

4. ‘‘පටිසම්භිදා චතස්සො, විමොක්ඛාපි ච අට්ඨිමෙ;

ඡළභිඤ්ඤා සච්ඡිකතා, කතං බුද්ධස්ස සාසනං’’.

ඉත්ථං සුදං ආයස්මා ථොමකො ථෙරො ඉමා ගාථායො අභාසිත්ථාති.

ථොමකත්ථෙරස්සාපදානං පඨමං.