2. නාගකෙසරියත්ථෙරඅපදානං

4. ‘‘ධනුං අද්වෙජ්ඣං කත්වාන, වනමජ්ඣොගහිං අහං;

කෙසරං ඔගතං [ඔසරං (ස්‍යා.), ඔසටං (සී.)] දිස්වා, පතපත්තං සමුට්ඨිතං.

5. ‘‘උභො හත්ථෙහි පග්ගය්හ, සිරෙ කත්වාන අඤ්ජලිං;

බුද්ධස්ස අභිරොපෙසිං, තිස්සස්ස ලොකබන්ධුනො.

6. ‘‘ද්වෙනවුතෙ ඉතො කප්පෙ, යං පුප්ඵමභිපූජයිං;

දුග්ගතිං නාභිජානාමි, බුද්ධපූජායිදං ඵලං.

7. ‘‘තෙසත්තතිම්හි කප්පම්හි [සත්තසත්තතිමෙ කප්පෙ (ස්‍යා.)], සත්ත කෙසරනාමකා;

සත්තරතනසම්පන්නා, චක්කවත්තී මහබ්බලා.

8. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා නාගකෙසරියො ථෙරො ඉමා ගාථායො අභාසිත්ථාති.

නාගකෙසරියත්ථෙරස්සාපදානං දුතියං.