1. තුවරදායකත්ථෙරඅපදානං

1. ‘‘මිගලුද්දො පුරෙ ආසිං, අරඤ්ඤෙ කානනෙ අහං;

භරිත්වා තුවරමාදාය [භරිත්වා තුරවමාදාය (ක.), භජ්ජිතං තුවරමාදාය (?) එත්ථ තුවරන්ති මුග්ගකලායසදිසං තුවරට්ඨින්ති තදට්ඨකථා; තුවරො ධඤ්ඤභෙදෙති සක්කතාභිධානෙ], සඞ්ඝස්ස අදදිං අහං.

2. ‘‘එකනවුතිතො කප්පෙ, යං දානමදදිං තදා;

දුග්ගතිං නාභිජානාමි, තුවරස්ස ඉදං ඵලං.

3. ‘‘පටිසම්භිදා චතස්සො, විමොක්ඛාපි ච අට්ඨිමෙ;

ඡළභිඤ්ඤා සච්ඡිකතා, කතං බුද්ධස්ස සාසනං’’.

ඉත්ථං සුදං ආයස්මා තුවරදායකො ථෙරො ඉමා ගාථායො අභාසිත්ථාති.

තුවරදායකත්ථෙරස්සාපදානං පඨමං.