2. භාජනපාලකත්ථෙරඅපදානං

5. ‘‘නගරෙ බන්ධුමතියා, කුම්භකාරො අහං තදා;

භාජනං අනුපාලෙසිං, භික්ඛුසඞ්ඝස්ස තාවදෙ.

6. ‘‘එකනවුතිතො කප්පෙ, භාජනං අනුපාලයිං;

දුග්ගතිං නාභිජානාමි, භාජනස්ස ඉදං ඵලං.

7. ‘‘තෙපඤ්ඤාසෙ ඉතො කප්පෙ, අනන්තජාලිනාමකො;

සත්තරතනසම්පන්නො, චක්කවත්තී මහබ්බලො.

8. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා භාජනපාලකො [භාජනදායකො (සී. ස්‍යා.)] ථෙරො ඉමා ගාථායො අභාසිත්ථාති.

භාජනපාලකත්ථෙරස්සාපදානං දුතියං.