5. රංසිසඤ්ඤකත්ථෙරඅපදානං

21. ‘‘උදෙන්තං සතරංසිංව, පීතරංසිංව [සිතරංසිං ව (සී. ස්‍යා.)] භාණුමං;

බ්‍යග්ඝූසභංව පවරං, සුජාතං පබ්බතන්තරෙ.

22. ‘‘බුද්ධස්ස ආනුභාවො සො, ජලතෙ පබ්බතන්තරෙ;

රංසෙ [රංස්‍යා (?)] චිත්තං පසාදෙත්වා, කප්පං සග්ගම්හි මොදහං.

23. ‘‘අවසෙසෙසු කප්පෙසු, කුසලං චරිතං මයා;

තෙන චිත්තප්පසාදෙන, බුද්ධානුස්සතියාපි ච.

24. ‘‘තිංසකප්පසහස්සෙතො, යං සඤ්ඤමලභිං තදා;

දුග්ගතිං නාභිජානාමි, බුද්ධසඤ්ඤායිදං ඵලං.

25. ‘‘සත්තපඤ්ඤාසකප්පම්හි, එකො ආසිං ජනාධිපො;

සුජාතො නාම නාමෙන, චක්කවත්තී මහබ්බලො.

26. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා රංසිසඤ්ඤකො ථෙරො ඉමා ගාථායො අභාසිත්ථාති.

රංසිසඤ්ඤකත්ථෙරස්සාපදානං පඤ්චමං.