10. පාපනිවාරියත්ථෙරඅපදානං

51. ‘‘පියදස්සිස්ස භගවතො, චඞ්කමං සොධිතං මයා;

නළකෙහි පටිච්ඡන්නං, වාතාතපනිවාරණං.

52. ‘‘පාපං විවජ්ජනත්ථාය, කුසලස්සුපසම්පදා;

කිලෙසානං පහානාය, පදහිං සත්ථු සාසනෙ.

53. ‘‘ඉතො එකාදසෙ කප්පෙ, අග්ගිදෙවොති විස්සුතො;

සත්තරතනසම්පන්නො, චක්කවත්තී මහබ්බලො.

54. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පාපනිවාරියො [වාතාතපනිවාරියො (?)] ථෙරො ඉමා ගාථායො අභාසිත්ථාති.

පාපනිවාරියත්ථෙරස්සාපදානං දසමං.

හත්ථිවග්ගො බාවීසතිමො.