8. මුට්ඨිපූජකත්ථෙරඅපදානං

42. ‘‘සුමෙධො නාම භගවා, ලොකජෙට්ඨො නරාසභො;

පච්ඡිමෙ අනුකම්පාය, පධානං පදහී ජිනො.

43. ‘‘තස්ස චඞ්කමමානස්ස, ද්විපදින්දස්ස තාදිනො;

ගිරිනෙලස්ස පුප්ඵානං, මුට්ඨිං බුද්ධස්ස රොපයිං.

44. ‘‘තෙන චිත්තප්පසාදෙන, සුක්කමූලෙන චොදිතො;

තිංසකප්පසහස්සානි, දුග්ගතිං නුපපජ්ජහං.

45. ‘‘තෙවීසතිකප්පසතෙ, සුනෙලො නාම ඛත්තියො;

සත්තරතනසම්පන්නො, එකො ආසිං මහබ්බලො.

46. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා මුට්ඨිපූජකො ථෙරො ඉමා ගාථායො අභාසිත්ථාති.

මුට්ඨිපූජකත්ථෙරස්සාපදානං අට්ඨමං.