4. ආරක්ඛදායකත්ථෙරඅපදානං
19. ‘‘සිද්ධත්ථස්ස භගවතො, වෙදි කාරාපිතා [වෙදිකා කාරිතා (ස්‍යා.)] මයා;
ආරක්ඛො ච මයා දින්නො, සුගතස්ස මහෙසිනො.
20. ‘‘තෙන කම්මවිසෙසෙන, න පස්සිං භයභෙරවං;
කුහිඤ්චි උපපන්නස්ස, තාසො මය්හං න විජ්ජති.
21. ‘‘චතුන්නවුතිතො කප්පෙ, යං වෙදිං කාරයිං පුරෙ;
දුග්ගතිං නාභිජානාමි, වෙදිකාය ඉදං ඵලං.
22. ‘‘ඉතො ඡට්ඨම්හි කප්පම්හි, අපස්සෙනසනාමකො;
සත්තරතනසම්පන්නො, චක්කවත්තී මහබ්බලො.
23. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා ආරක්ඛදායකො ථෙරො ඉමා ගාථායො අභාසිත්ථාති.
ආරක්ඛදායකත්ථෙරස්සාපදානං චතුත්ථං.