6. බොධිඋපට්ඨාකත්ථෙරඅපදානං

30. ‘‘නගරෙ රම්මවතියා, ආසිං මුරජවාදකො;

නිච්චුපට්ඨානයුත්තොම්හි, ගතොහං බොධිමුත්තමං.

31. ‘‘සායං පාතං උපට්ඨිත්වා, සුක්කමූලෙන චොදිතො;

අට්ඨාරසකප්පසතෙ, දුග්ගතිං නුපපජ්ජහං.

32. ‘‘පන්නරසෙ කප්පසතෙ, ඉතො ආසිං ජනාධිපො;

මුරජො [දමථො (ස්‍යා.)] නාම නාමෙන, චක්කවත්තී මහබ්බලො.

33. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා බොධිඋපට්ඨාකො ථෙරො ඉමා ගාථායො අභාසිත්ථාති.

බොධිඋපට්ඨාකත්ථෙරස්සාපදානං ඡට්ඨං.