2. නිස්සෙණිදායකත්ථෙරඅපදානං

9. ‘‘කොණ්ඩඤ්ඤස්ස භගවතො, ලොකජෙට්ඨස්ස තාදිනො;

ආරොහත්ථාය පාසාදං, නිස්සෙණී කාරිතා මයා.

10. ‘‘තෙන චිත්තප්පසාදෙන, අනුභොත්වාන සම්පදා;

ධාරෙමි අන්තිමං දෙහං, සම්මාසම්බුද්ධසාසනෙ.

11. ‘‘එකත්තිංසම්හි කප්පානං, සහස්සම්හි තයො අහුං [මහා (සී. ස්‍යා.)];

සම්බහුලා නාම රාජානො, චක්කවත්තී මහබ්බලා.

12. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා නිස්සෙණිදායකො ථෙරො ඉමා ගාථායො අභාසිත්ථාති.

නිස්සෙණිදායකත්ථෙරස්සාපදානං දුතියං.