3. රත්තිපුප්ඵියත්ථෙරඅපදානං

13. ‘‘මිගලුද්දො පුරෙ ආසිං, අරඤ්ඤෙ කානනෙ අහං;

විපස්සිං අද්දසං බුද්ධං, දෙවදෙවං නරාසභං.

14. ‘‘රත්තිකං පුප්ඵිතං දිස්වා, කුටජං ධරණීරුහං;

සමූලං පග්ගහෙත්වාන, උපනෙසිං මහෙසිනො.

15. ‘‘එකනවුතිතො කප්පෙ, යං පුප්ඵමභිරොපයිං;

දුග්ගතිං නාභිජානාමි, පුප්ඵදානස්සිදං ඵලං.

16. ‘‘ඉතො ච අට්ඨමෙ කප්පෙ, සුප්පසන්නසනාමකො;

සත්තරතනසම්පන්නො, රාජාහොසිං මහබ්බලො.

17. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා රත්තිපුප්ඵියො ථෙරො ඉමා ගාථායො අභාසිත්ථාති.

රත්තිපුප්ඵියත්ථෙරස්සාපදානං තතියං.