3. අභිධම්මචිත්තමිස්සකවිසෙසො

115. යස්ස කුසලං චිත්තං උප්පජ්ජති න නිරුජ්ඣති තස්ස කුසලං චිත්තං නිරුජ්ඣිස්සති න උප්පජ්ජිස්සතීති?

පච්ඡිමකුසලචිත්තස්ස උප්පාදක්ඛණෙ තෙසං කුසලං චිත්තං උප්පජ්ජති න නිරුජ්ඣති, නිරුජ්ඣිස්සති න උප්පජ්ජිස්සති. ඉතරෙසං කුසලචිත්තස්ස උප්පාදක්ඛණෙ තෙසං…පෙ….

යස්ස වා පන…පෙ…? ආමන්තා …පෙ….

116. යස්ස අකුසලං චිත්තං උප්පජ්ජති න නිරුජ්ඣති…පෙ…. යස්ස අබ්‍යාකතං චිත්තං උප්පජ්ජති න නිරුජ්ඣති…පෙ….

(මූලයමකං චිත්තයමකං ධම්මයමකන්ති තීණි යමකානි යාව සරණඅරණා ගච්ඡන්ති.)

චිත්තයමකං නිට්ඨිතං.