නමො තස්ස භගවතො අරහතො සම්මාසම්බුද්ධස්ස
අභිධම්මපිටකෙ
යමකපාළි (දුතියො භාගො)
6. සඞ්ඛාරයමකං
1. පණ්ණත්තිවාරො
(ක) උද්දෙසො
1. තයො සඞ්ඛාරා – කායසඞ්ඛාරො, වචීසඞ්ඛාරො, චිත්තසඞ්ඛාරොති. අස්සාසපස්සාසා කායසඞ්ඛාරො, විතක්කවිචාරා වචීසඞ්ඛාරො, සඤ්ඤා ච වෙදනා ච චිත්තසඞ්ඛාරො. ඨපෙත්වා විතක්කවිචාරෙ සබ්බෙපි චිත්තසම්පයුත්තකා ධම්මා චිත්තසඞ්ඛාරො.
1. පදසොධනවාරො
(ක) අනුලොමං
2. (ක) කායො කායසඞ්ඛාරො?
(ඛ) කායසඞ්ඛාරො කායො?
(ක) වචී වචීසඞ්ඛාරො?
(ඛ) වචීසඞ්ඛාරො වචී?
(ක) චිත්තං චිත්තසඞ්ඛාරො?
(ඛ) චිත්තසඞ්ඛාරො චිත්තං?
(ඛ) පච්චනීකං
3. (ක) න කායො න කායසඞ්ඛාරො?
(ඛ) න කායසඞ්ඛාරො න කායො?
(ක) න වචී න වචීසඞ්ඛාරො?
(ඛ) න වචීසඞ්ඛාරො න වචී?
(ක) න චිත්තං න චිත්තසඞ්ඛාරො?
(ඛ) න චිත්තසඞ්ඛාරො න චිත්තං?
2. පදසොධනමූලචක්කවාරො
(ක) අනුලොමං
4. (ක) කායො කායසඞ්ඛාරො?
(ඛ) සඞ්ඛාරා වචීසඞ්ඛාරො?
(ක) කායො කායසඞ්ඛාරො?
(ඛ) සඞ්ඛාරා චිත්තසඞ්ඛාරො?
(ක) වචී වචීසඞ්ඛාරො?
(ඛ) සඞ්ඛාරා කායසඞ්ඛාරො?
(ක) වචී වචීසඞ්ඛාරො?
(ඛ) සඞ්ඛාරා චිත්තසඞ්ඛාරො?
(ක) චිත්තං චිත්තසඞ්ඛාරො?
(ඛ) සඞ්ඛාරා කායසඞ්ඛාරො?
(ක) චිත්තං චිත්තසඞ්ඛාරො?
(ඛ) සඞ්ඛාරා වචීසඞ්ඛාරො?
(ඛ) පච්චනීකං
5. (ක) න කායො න කායසඞ්ඛාරො?
(ඛ) න සඞ්ඛාරා න වචීසඞ්ඛාරො?
(ක) න කායො න කායසඞ්ඛාරො?
(ඛ) න සඞ්ඛාරා න චිත්තසඞ්ඛාරො?
(ක) න වචී න වචීසඞ්ඛාරො?
(ඛ) න සඞ්ඛාරා න කායසඞ්ඛාරො?
(ක) න වචී න වචීසඞ්ඛාරො?
(ඛ) න සඞ්ඛාරා න චිත්තසඞ්ඛාරො?
(ක) න චිත්තං න චිත්තසඞ්ඛාරො?
(ඛ) න සඞ්ඛාරා න කායසඞ්ඛාරො?
(ක) න චිත්තං න චිත්තසඞ්ඛාරො?
(ඛ) න සඞ්ඛාරා න වචීසඞ්ඛාරො?
3. සුද්ධසඞ්ඛාරවාරො
(ක) අනුලොමං
6. (ක) කායසඞ්ඛාරො වචීසඞ්ඛාරො?
(ඛ) වචීසඞ්ඛාරො කායසඞ්ඛාරො?
(ක) කායසඞ්ඛාරො චිත්තසඞ්ඛාරො?
(ඛ) චිත්තසඞ්ඛාරො කායසඞ්ඛාරො?
(ක) වචීසඞ්ඛාරො චිත්තසඞ්ඛාරො?
(ඛ) චිත්තසඞ්ඛාරො වචීසඞ්ඛාරො?
(ඛ) පච්චනීකං
7. (ක) න කායසඞ්ඛාරො න වචීසඞ්ඛාරො?
(ඛ) න වචීසඞ්ඛාරො න කායසඞ්ඛාරො?
(ක) න කායසඞ්ඛාරො න චිත්තසඞ්ඛාරො?
(ඛ) න චිත්තසඞ්ඛාරො න කායසඞ්ඛාරො?
(ක) න වචීසඞ්ඛාරො න චිත්තසඞ්ඛාරො?
(ඛ) න චිත්තසඞ්ඛාරො න වචීසඞ්ඛාරො?
පණ්ණත්තිඋද්දෙසවාරො.
පණ්ණත්තිවාරො.
(ඛ) නිද්දෙසො
1. පදසොධනවාරො
(ක) අනුලොමං
8. (ක) කායො කායසඞ්ඛාරොති? නො.
(ඛ) කායසඞ්ඛාරො කායොති? නො.
(ක) වචී වචීසඞ්ඛාරොති? නො.
(ඛ) වචීසඞ්ඛාරො වචීති? නො.
(ක) චිත්තං චිත්තසඞ්ඛාරොති? නො.
(ඛ) චිත්තසඞ්ඛාරො චිත්තන්ති? නො.
(ඛ) පච්චනීකං
9. (ක) න කායො න කායසඞ්ඛාරොති?
කායසඞ්ඛාරො න කායො, කායසඞ්ඛාරො. කායඤ්ච කායසඞ්ඛාරඤ්ච ඨපෙත්වා අවසෙසා න චෙව කායො න ච කායසඞ්ඛාරො.
(ඛ) න කායසඞ්ඛාරො න කායොති?
කායො න කායසඞ්ඛාරො, කායො. කායඤ්ච කායසඞ්ඛාරඤ්ච ඨපෙත්වා අවසෙසා න චෙව කායො න ච කායසඞ්ඛාරො.
(ක) න වචී න වචීසඞ්ඛාරොති?
වචීසඞ්ඛාරො න වචී, වචීසඞ්ඛාරො. වචිඤ්ච වචීසඞ්ඛාරඤ්ච ඨපෙත්වා අවසෙසා න චෙව වචී න ච වචීසඞ්ඛාරො.
(ඛ) න වචීසඞ්ඛාරො න වචීති?
වචී න වචීසඞ්ඛාරො, වචී. වචිඤ්ච වචීසඞ්ඛාරඤ්ච ඨපෙත්වා අවසෙසා න චෙව වචී න ච වචීසඞ්ඛාරො.
(ක) න චිත්තං න චිත්තසඞ්ඛාරොති?
චිත්තසඞ්ඛාරො න චිත්තං, චිත්තසඞ්ඛාරො. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං න ච චිත්තසඞ්ඛාරො.
(ඛ) න චිත්තසඞ්ඛාරො න චිත්තන්ති?
චිත්තං න චිත්තසඞ්ඛාරො, චිත්තං. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං න ච චිත්තසඞ්ඛාරො.
2. පදසොධනමූලචක්කවාරො
(ක) අනුලොමං
10. (ක) කායො කායසඞ්ඛාරොති? නො.
(ඛ) සඞ්ඛාරා වචීසඞ්ඛාරොති?
වචීසඞ්ඛාරො සඞ්ඛාරො චෙව වචීසඞ්ඛාරො ච. අවසෙසා සඞ්ඛාරා [අවසෙසා සඞ්ඛාරා සඞ්ඛාරා (සී. ස්‍යා. කං.)] න වචීසඞ්ඛාරො.
(ක) කායො කායසඞ්ඛාරොති? නො.
(ඛ) සඞ්ඛාරා චිත්තසඞ්ඛාරොති?
චිත්තසඞ්ඛාරො සඞ්ඛාරො චෙව චිත්තසඞ්ඛාරො ච. අවසෙසා සඞ්ඛාරා න චිත්තසඞ්ඛාරො.
11. (ක) වචී වචීසඞ්ඛාරොති? නො.
(ඛ) සඞ්ඛාරා කායසඞ්ඛාරොති?
කායසඞ්ඛාරො සඞ්ඛාරො චෙව කායසඞ්ඛාරො ච. අවසෙසා සඞ්ඛාරා න කායසඞ්ඛාරො.
(ක) වචී වචීසඞ්ඛාරොති? නො.
(ඛ) සඞ්ඛාරා චිත්තසඞ්ඛාරොති?
චිත්තසඞ්ඛාරො සඞ්ඛාරො චෙව චිත්තසඞ්ඛාරො ච. අවසෙසා සඞ්ඛාරා න චිත්තසඞ්ඛාරො.
12. (ක) චිත්තං චිත්තසඞ්ඛාරොති? නො.
(ඛ) සඞ්ඛාරා කායසඞ්ඛාරොති?
කායසඞ්ඛාරො සඞ්ඛාරො චෙව කායසඞ්ඛාරො ච. අවසෙසා සඞ්ඛාරා න කායසඞ්ඛාරො.
(ක) චිත්තං චිත්තසඞ්ඛාරොති? නො.
(ඛ) සඞ්ඛාරා වචීසඞ්ඛාරොති?
වචීසඞ්ඛාරො සඞ්ඛාරො චෙව වචීසඞ්ඛාරො ච. අවසෙසා සඞ්ඛාරා න වචීසඞ්ඛාරො.
(ඛ) පච්චනීකං
13. (ක) න කායො න කායසඞ්ඛාරොති?
කායසඞ්ඛාරො න කායො, කායසඞ්ඛාරො. කායඤ්ච කායසඞ්ඛාරඤ්ච ඨපෙත්වා අවසෙසා න චෙව කායො න ච කායසඞ්ඛාරො.
(ඛ) න සඞ්ඛාරා න වචීසඞ්ඛාරොති? ආමන්තා.
(ක) න කායො න කායසඞ්ඛාරොති?
කායසඞ්ඛාරො න කායො, කායසඞ්ඛාරො. කායඤ්ච කායසඞ්ඛාරඤ්ච ඨපෙත්වා අවසෙසා න චෙව කායො න ච කායසඞ්ඛාරො.
(ඛ) න සඞ්ඛාරා න චිත්තසඞ්ඛාරොති? ආමන්තා.
14. (ක) න වචී න වචීසඞ්ඛාරොති?
වචීසඞ්ඛාරො න වචී, වචීසඞ්ඛාරො. වචිඤ්ච වචීසඞ්ඛාරඤ්ච ඨපෙත්වා අවසෙසා න චෙව වචී න ච වචීසඞ්ඛාරො.
(ඛ) න සඞ්ඛාරා න කායසඞ්ඛාරොති? ආමන්තා.
(ක) න වචී න වචීසඞ්ඛාරොති?
වචීසඞ්ඛාරො න වචී, වචීසඞ්ඛාරො. වචිඤ්ච වචීසඞ්ඛාරඤ්ච ඨපෙත්වා අවසෙසා න චෙව වචී න ච වචීසඞ්ඛාරො.
(ඛ) න සඞ්ඛාරා න චිත්තසඞ්ඛාරොති? ආමන්තා.
15. (ක) න චිත්තං න චිත්තසඞ්ඛාරොති?
චිත්තසඞ්ඛාරො න චිත්තං, චිත්තසඞ්ඛාරො. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං න ච චිත්තසඞ්ඛාරො.
(ඛ) න සඞ්ඛාරා න කායසඞ්ඛාරොති? ආමන්තා.
(ක) න චිත්තං න චිත්තසඞ්ඛාරොති?
චිත්තසඞ්ඛාරො න චිත්තං, චිත්තසඞ්ඛාරො. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං න ච චිත්තසඞ්ඛාරො.
(ඛ) න සඞ්ඛාරා න වචීසඞ්ඛාරොති? ආමන්තා.
3. සුද්ධසඞ්ඛාරවාරො
(ක) අනුලොමං
16. (ක) කායසඞ්ඛාරො වචීසඞ්ඛාරොති? නො.
(ඛ) වචීසඞ්ඛාරො කායසඞ්ඛාරොති? නො.
(ක) කායසඞ්ඛාරො චිත්තසඞ්ඛාරොති? නො.
(ඛ) චිත්තසඞ්ඛාරො කායසඞ්ඛාරොති? නො.
(ක) වචීසඞ්ඛාරො චිත්තසඞ්ඛාරොති? නො.
(ඛ) චිත්තසඞ්ඛාරො වචීසඞ්ඛාරොති? නො.
(ඛ) පච්චනීකං
17. (ක) න කායසඞ්ඛාරො න වචීසඞ්ඛාරොති?
වචීසඞ්ඛාරො න කායසඞ්ඛාරො, වචීසඞ්ඛාරො. කායසඞ්ඛාරඤ්ච වචීසඞ්ඛාරඤ්ච ඨපෙත්වා අවසෙසා න චෙව කායසඞ්ඛාරො න ච වචීසඞ්ඛාරො.
(ඛ) න වචීසඞ්ඛාරො න කායසඞ්ඛාරොති?
කායසඞ්ඛාරො න වචීසඞ්ඛාරො, කායසඞ්ඛාරො. වචීසඞ්ඛාරඤ්ච කායසඞ්ඛාරඤ්ච ඨපෙත්වා අවසෙසා න චෙව වචීසඞ්ඛාරො න ච කායසඞ්ඛාරො.
(ක) න කායසඞ්ඛාරො න චිත්තසඞ්ඛාරොති?
චිත්තසඞ්ඛාරො න කායසඞ්ඛාරො, චිත්තසඞ්ඛාරො. කායසඞ්ඛාරඤ්ච චිත්තසඞ්ඛාරඤ්ච ඨපෙත්වා අවසෙසා න චෙව කායසඞ්ඛාරො න ච චිත්තසඞ්ඛාරො.
(ඛ) න චිත්තසඞ්ඛාරො න කායසඞ්ඛාරොති?
කායසඞ්ඛාරො න චිත්තසඞ්ඛාරො, කායසඞ්ඛාරො. චිත්තසඞ්ඛාරඤ්ච කායසඞ්ඛාරඤ්ච ඨපෙත්වා අවසෙසා න චෙව චිත්තසඞ්ඛාරො න ච කායසඞ්ඛාරො.
18. (ක) න වචීසඞ්ඛාරො න චිත්තසඞ්ඛාරොති?
චිත්තසඞ්ඛාරො න වචීසඞ්ඛාරො, චිත්තසඞ්ඛාරො. වචීසඞ්ඛාරඤ්ච චිත්තසඞ්ඛාරඤ්ච ඨපෙත්වා අවසෙසා න චෙව වචීසඞ්ඛාරො න ච චිත්තසඞ්ඛාරො.
(ඛ) න චිත්තසඞ්ඛාරො න වචීසඞ්ඛාරොති?
වචීසඞ්ඛාරො න චිත්තසඞ්ඛාරො, වචීසඞ්ඛාරො. චිත්තසඞ්ඛාරඤ්ච වචීසඞ්ඛාරඤ්ච ඨපෙත්වා අවසෙසා න චෙව චිත්තසඞ්ඛාරො න ච වචීසඞ්ඛාරො.
පණ්ණත්තිනිද්දෙසවාරො.