(5) පච්චුප්පන්නානාගතවාරො

(ක) අනුලොමපුග්ගලො

59. (ක) යස්ස කායසඞ්ඛාරො උප්පජ්ජති තස්ස වචීසඞ්ඛාරො උප්පජ්ජිස්සතීති? ආමන්තා.

(ඛ) යස්ස වා පන වචීසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං වචීසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජති.

(ක) යස්ස කායසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජිස්සතීති? ආමන්තා.

(ඛ) යස්ස වා පන චිත්තසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං චිත්තසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජති.

60. (ක) යස්ස වචීසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජිස්සතීති?

සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං වචීසඞ්ඛාරො උප්පජ්ජති, නො ච තෙසං චිත්තසඞ්ඛාරො උප්පජ්ජිස්සති. ඉතරෙසං විතක්කවිචාරානං උප්පාදක්ඛණෙ තෙසං වචීසඞ්ඛාරො ච උප්පජ්ජති චිත්තසඞ්ඛාරො ච උප්පජ්ජිස්සති.

(ඛ) යස්ස වා පන චිත්තසඞ්ඛාරො උප්පජ්ජිස්සති තස්ස වචීසඞ්ඛාරො උප්පජ්ජතීති?

සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තසඞ්ඛාරො උප්පජ්ජිස්සති, නො ච තෙසං වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං චිත්තසඞ්ඛාරො ච උප්පජ්ජිස්සති වචීසඞ්ඛාරො ච උප්පජ්ජති.

(ඛ) අනුලොමඔකාසො

61. යත්ථ කායසඞ්ඛාරො උප්පජ්ජති…පෙ….

(ග) අනුලොමපුග්ගලොකාසා

62. (ක) යස්ස යත්ථ කායසඞ්ඛාරො උප්පජ්ජති තස්ස තත්ථ වචීසඞ්ඛාරො උප්පජ්ජිස්සතීති?

දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො උප්පජ්ජති, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං කාමාවචරානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො ච උප්පජ්ජති වචීසඞ්ඛාරො ච උප්පජ්ජිස්සති.

(ඛ) යස්ස වා පන යත්ථ වචීසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජතීති?

පඨමජ්ඣානං සමාපන්නානං කාමාවචරානං අස්සාසපස්සාසානං භඞ්ගක්ඛණෙ තෙසංයෙව විනා අස්සාසපස්සාසෙහි චිත්තස්ස උප්පාදක්ඛණෙ රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජති. පඨමජ්ඣානං සමාපන්නානං කාමාවචරානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජති.

(ක) යස්ස යත්ථ කායසඞ්ඛාරො උප්පජ්ජති තස්ස තත්ථ චිත්තසඞ්ඛාරො උප්පජ්ජිස්සතීති? ආමන්තා.

(ඛ) යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං තත්ථ චිත්තසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජති.

63. (ක) යස්ස යත්ථ වචීසඞ්ඛාරො උප්පජ්ජති තස්ස තත්ථ චිත්තසඞ්ඛාරො උප්පජ්ජිස්සතීති?

සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං තත්ථ වචීසඞ්ඛාරො උප්පජ්ජති, නො ච තෙසං තත්ථ චිත්තසඞ්ඛාරො උප්පජ්ජිස්සති. ඉතරෙසං විතක්කවිචාරානං උප්පාදක්ඛණෙ තෙසං තත්ථ වචීසඞ්ඛාරො ච උප්පජ්ජති චිත්තසඞ්ඛාරො ච උප්පජ්ජිස්සති.

(ඛ) යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජතීති?

සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං තත්ථ චිත්තසඞ්ඛාරො ච උප්පජ්ජිස්සති වචීසඞ්ඛාරො ච උප්පජ්ජති.

(ඝ) පච්චනීකපුග්ගලො

64. (ක) යස්ස කායසඞ්ඛාරො නුප්පජ්ජති තස්ස වචීසඞ්ඛාරො නුප්පජ්ජිස්සතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං කායසඞ්ඛාරො නුප්පජ්ජති, නො ච තෙසං වචීසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො ච නුප්පජ්ජති වචීසඞ්ඛාරො ච නුප්පජ්ජිස්සති.

(ඛ) යස්ස වා පන වචීසඞ්ඛාරො නුප්පජ්ජිස්සති තස්ස කායසඞ්ඛාරො නුප්පජ්ජතීති? ආමන්තා.

(ක) යස්ස කායසඞ්ඛාරො නුප්පජ්ජති තස්ස චිත්තසඞ්ඛාරො නුප්පජ්ජිස්සතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං කායසඞ්ඛාරො නුප්පජ්ජති, නො ච තෙසං චිත්තසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං තෙසං කායසඞ්ඛාරො ච නුප්පජ්ජති චිත්තසඞ්ඛාරො ච නුප්පජ්ජිස්සති.

(ඛ) යස්ස වා පන…පෙ…? ආමන්තා.

65. (ක) යස්ස වචීසඞ්ඛාරො නුප්පජ්ජති තස්ස චිත්තසඞ්ඛාරො නුප්පජ්ජිස්සතීති?

සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං වචීසඞ්ඛාරො නුප්පජ්ජති, නො ච තෙසං චිත්තසඞ්ඛාරො නුප්පජ්ජිස්සති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං තෙසං වචීසඞ්ඛාරො ච නුප්පජ්ජති චිත්තසඞ්ඛාරො ච නුප්පජ්ජිස්සති.

(ඛ) යස්ස වා පන චිත්තසඞ්ඛාරො නුප්පජ්ජිස්සති තස්ස වචීසඞ්ඛාරො නුප්පජ්ජතීති?

සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං චිත්තසඞ්ඛාරො නුප්පජ්ජිස්සති, නො ච තෙසං වචීසඞ්ඛාරො නුප්පජ්ජති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං තෙසං චිත්තසඞ්ඛාරො ච නුප්පජ්ජිස්සති වචීසඞ්ඛාරො ච නුප්පජ්ජති.

4. (ඞ) පච්චනීකඔකාසො

66. යත්ථ කායසඞ්ඛාරො නුප්පජ්ජති…පෙ….

(ච) පච්චනීකපුග්ගලොකාසා

67. (ක) යස්ස යත්ථ කායසඞ්ඛාරො නුප්පජ්ජති තස්ස තත්ථ වචීසඞ්ඛාරො නුප්පජ්ජිස්සතීති?

පඨමජ්ඣානං සමාපන්නානං කාමාවචරානං අස්සාසපස්සාසානං භඞ්ගක්ඛණෙ තෙසංයෙව විනා අස්සාසපස්සාසෙහි චිත්තස්ස උප්පාදක්ඛණෙ රූපාවචරානං අරූපාවචරානං තෙසං තත්ථ කායසඞ්ඛාරො නුප්පජ්ජති, නො ච තෙසං තත්ථ වචීසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති දුතියජ්ඣානං තතියජ්ඣානං සමාපන්නානං අස්සාසපස්සාසානං භඞ්ගක්ඛණෙ තෙසංයෙව විනා අස්සාසපස්සාසෙහි චිත්තස්ස උප්පාදක්ඛණෙ චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ කායසඞ්ඛාරො ච නුප්පජ්ජති වචීසඞ්ඛාරො ච නුප්පජ්ජිස්සති.

(ඛ) යස්ස වා පන යත්ථ වචීසඞ්ඛාරො නුප්පජ්ජිස්සති තස්ස තත්ථ කායසඞ්ඛාරො නුප්පජ්ජතීති?

දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො නුප්පජ්ජිස්සති, නො ච තෙසං තත්ථ කායසඞ්ඛාරො නුප්පජ්ජති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති දුතියජ්ඣානං තතියජ්ඣානං සමාපන්නානං අස්සාසපස්සාසානං භඞ්ගක්ඛණෙ තෙසංයෙව විනා අස්සාසපස්සාසෙහි චිත්තස්ස උප්පාදක්ඛණෙ චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ වචීසඞ්ඛාරො ච නුප්පජ්ජිස්සති කායසඞ්ඛාරො ච නුප්පජ්ජති.

(ක) යස්ස යත්ථ කායසඞ්ඛාරො නුප්පජ්ජති තස්ස තත්ථ චිත්තසඞ්ඛාරො නුප්පජ්ජිස්සතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ කායසඞ්ඛාරො නුප්පජ්ජති, නො ච තෙසං තත්ථ චිත්තසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං අසඤ්ඤසත්තානං තෙසං තත්ථ කායසඞ්ඛාරො ච නුප්පජ්ජති චිත්තසඞ්ඛාරො ච නුප්පජ්ජිස්සති.

(ඛ) යස්ස වා පන යත්ථ චිත්තසඞ්ඛාරො නුප්පජ්ජිස්සති තස්ස තත්ථ කායසඞ්ඛාරො නුප්පජ්ජතීති? ආමන්තා.

68. (ක) යස්ස යත්ථ වචීසඞ්ඛාරො නුප්පජ්ජති තස්ස තත්ථ චිත්තසඞ්ඛාරො නුප්පජ්ජිස්සතීති?

සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ තෙසං තත්ථ වචීසඞ්ඛාරො නුප්පජ්ජති, නො ච තෙසං තත්ථ චිත්තසඞ්ඛාරො නුප්පජ්ජිස්සති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං අසඤ්ඤසත්තානං තෙසං තත්ථ වචීසඞ්ඛාරො ච නුප්පජ්ජති චිත්තසඞ්ඛාරො ච නුප්පජ්ජිස්සති.

(ඛ) යස්ස වා පන යත්ථ චිත්තසඞ්ඛාරො නුප්පජ්ජිස්සති තස්ස තත්ථ වචීසඞ්ඛාරො නුප්පජ්ජතීති?

සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො නුප්පජ්ජිස්සති, නො ච තෙසං තත්ථ වචීසඞ්ඛාරො නුප්පජ්ජති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං අසඤ්ඤසත්තානං තෙසං තත්ථ චිත්තසඞ්ඛාරො ච නුප්පජ්ජිස්සති වචීසඞ්ඛාරො ච නුප්පජ්ජති.