(3) අනාගතවාරො
(ක) අනුලොමපුග්ගලො
39. (ක) යස්ස කායසඞ්ඛාරො උප්පජ්ජිස්සති තස්ස වචීසඞ්ඛාරො උප්පජ්ජිස්සතීති? ආමන්තා.
(ඛ) යස්ස වා පන වචීසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං වචීසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජිස්සති. ඉතරෙසං තෙසං වචීසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජිස්සති.
(ක) යස්ස කායසඞ්ඛාරො උප්පජ්ජිස්සති තස්ස චිත්තසඞ්ඛාරො උප්පජ්ජිස්සතීති? ආමන්තා.
(ඛ) යස්ස වා පන චිත්තසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චිත්තසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජිස්සති. ඉතරෙසං තෙසං චිත්තසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජිස්සති.
40. (ක) යස්ස වචීසඞ්ඛාරො උප්පජ්ජිස්සති තස්ස චිත්තසඞ්ඛාරො උප්පජ්ජිස්සතීති? ආමන්තා.
(ඛ) යස්ස වා පන චිත්තසඞ්ඛාරො උප්පජ්ජිස්සති තස්ස වචීසඞ්ඛාරො උප්පජ්ජිස්සතීති?
යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං චිත්තසඞ්ඛාරො උප්පජ්ජිස්සති, නො ච තෙසං වචීසඞ්ඛාරො උප්පජ්ජිස්සති. ඉතරෙසං තෙසං චිත්තසඞ්ඛාරො ච උප්පජ්ජිස්සති වචීසඞ්ඛාරො ච උප්පජ්ජිස්සති.
(ඛ) අනුලොමඔකාසො
41. යත්ථ කායසඞ්ඛාරො උප්පජ්ජිස්සති…පෙ….
(ග) අනුලොමපුග්ගලොකාසා
42. (ක) යස්ස යත්ථ කායසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජිස්සතීති?
දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං කාමාවචරානං තෙසං තත්ථ කායසඞ්ඛාරො ච උප්පජ්ජිස්සති වචීසඞ්ඛාරො ච උප්පජ්ජිස්සති.
(ඛ) යස්ස වා පන යත්ථ වචීසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජිස්සති. පඨමජ්ඣානං සමාපන්නානං ඉතරෙසං කාමාවචරානං තෙසං තත්ථ වචීසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජිස්සති.
(ක) යස්ස යත්ථ කායසඞ්ඛාරො උප්පජ්ජිස්සති තස්ස තත්ථ චිත්තසඞ්ඛාරො උප්පජ්ජිස්සතීති? ආමන්තා.
(ඛ) යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජිස්සති. පඨමජ්ඣානං දුතියජ්ඣානං තතියජ්ඣානං සමාපන්නානං ඉතරෙසං කාමාවචරානං තෙසං තත්ථ චිත්තසඞ්ඛාරො ච උප්පජ්ජිස්සති කායසඞ්ඛාරො ච උප්පජ්ජිස්සති.
43. (ක) යස්ස යත්ථ වචීසඞ්ඛාරො උප්පජ්ජිස්සති තස්ස තත්ථ චිත්තසඞ්ඛාරො උප්පජ්ජිස්සතීති? ආමන්තා.
(ඛ) යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජිස්සතීති?
යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති දුතියජ්ඣානං තතියජ්ඣානං චතුත්ථජ්ඣානං සමාපන්නානං තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං කාමාවචරානං ඉතරෙසං රූපාවචරානං අරූපාවචරානං තෙසං තත්ථ චිත්තසඞ්ඛාරො ච උප්පජ්ජිස්සති වචීසඞ්ඛාරො ච උප්පජ්ජිස්සති.
(ඝ) පච්චනීකපුග්ගලො
44. (ක) යස්ස කායසඞ්ඛාරො නුප්පජ්ජිස්සති තස්ස වචීසඞ්ඛාරො නුප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං කායසඞ්ඛාරො නුප්පජ්ජිස්සති, නො ච තෙසං වචීසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො ච නුප්පජ්ජිස්සති වචීසඞ්ඛාරො ච නුප්පජ්ජිස්සති.
(ඛ) යස්ස වා පන…පෙ…? ආමන්තා.
(ක) යස්ස කායසඞ්ඛාරො නුප්පජ්ජිස්සති තස්ස චිත්තසඞ්ඛාරො නුප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං කායසඞ්ඛාරො නුප්පජ්ජිස්සති, නො ච තෙසං චිත්තසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං තෙසං කායසඞ්ඛාරො ච නුප්පජ්ජිස්සති චිත්තසඞ්ඛාරො ච නුප්පජ්ජිස්සති.
(ඛ) යස්ස වා පන චිත්තසඞ්ඛාරො…පෙ…? ආමන්තා.
45. (ක) යස්ස වචීසඞ්ඛාරො නුප්පජ්ජිස්සති තස්ස චිත්තසඞ්ඛාරො නුප්පජ්ජිස්සතීති?
යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං වචීසඞ්ඛාරො නුප්පජ්ජිස්සති, නො ච තෙසං චිත්තසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං තෙසං වචීසඞ්ඛාරො ච නුප්පජ්ජිස්සති චිත්තසඞ්ඛාරො ච නුප්පජ්ජිස්සති.
(ඛ) යස්ස වා පන…පෙ…? ආමන්තා.
(ඞ) පච්චනීකඔකාසො
46. යත්ථ කායසඞ්ඛාරො නුප්පජ්ජිස්සති…පෙ….
(ච) පච්චනීකපුග්ගලොකාසා
47. (ක) යස්ස යත්ථ කායසඞ්ඛාරො නුප්පජ්ජිස්සති තස්ස තත්ථ වචීසඞ්ඛාරො නුප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති රූපාවචරානං අරූපාවචරානං තෙසං තත්ථ කායසඞ්ඛාරො නුප්පජ්ජිස්සති, නො ච තෙසං තත්ථ වචීසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ කායසඞ්ඛාරො ච නුප්පජ්ජිස්සති වචීසඞ්ඛාරො ච නුප්පජ්ජිස්සති.
(ඛ) යස්ස වා පන යත්ථ වචීසඞ්ඛාරො නුප්පජ්ජිස්සති තස්ස තත්ථ කායසඞ්ඛාරො නුප්පජ්ජිස්සතීති?
දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො නුප්පජ්ජිස්සති, නො ච තෙසං තත්ථ කායසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ වචීසඞ්ඛාරො ච නුප්පජ්ජිස්සති කායසඞ්ඛාරො ච නුප්පජ්ජිස්සති.
(ක) යස්ස යත්ථ කායසඞ්ඛාරො නුප්පජ්ජිස්සති තස්ස තත්ථ චිත්තසඞ්ඛාරො නුප්පජ්ජිස්සතීති?
යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ කායසඞ්ඛාරො නුප්පජ්ජිස්සති, නො ච තෙසං තත්ථ චිත්තසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං අසඤ්ඤසත්තානං තෙසං තත්ථ කායසඞ්ඛාරො ච නුප්පජ්ජිස්සති චිත්තසඞ්ඛාරො ච නුප්පජ්ජිස්සති.
(ඛ) යස්ස වා පන යත්ථ…පෙ…? ආමන්තා.
48. (ක) යස්ස යත්ථ වචීසඞ්ඛාරො නුප්පජ්ජිස්සති තස්ස තත්ථ චිත්තසඞ්ඛාරො නුප්පජ්ජිස්සතීති?
යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති දුතියජ්ඣානං තතියජ්ඣානං චතුත්ථජ්ඣානං සමාපන්නානං තෙසං තත්ථ වචීසඞ්ඛාරො නුප්පජ්ජිස්සති, නො ච තෙසං තත්ථ චිත්තසඞ්ඛාරො නුප්පජ්ජිස්සති. පච්ඡිමචිත්තසමඞ්ගීනං අසඤ්ඤසත්තානං තෙසං තත්ථ වචීසඞ්ඛාරො ච නුප්පජ්ජිස්සති චිත්තසඞ්ඛාරො ච නුප්පජ්ජිස්සති.
(ඛ) යස්ස වා පන යත්ථ…පෙ…? ආමන්තා.