(2) අතීතවාරො

(ක) අනුලොමපුග්ගලො

29. (ක) යස්ස කායසඞ්ඛාරො උප්පජ්ජිත්ථ තස්ස වචීසඞ්ඛාරො උප්පජ්ජිත්ථාති? ආමන්තා.

(ඛ) යස්ස වා පන…පෙ…? ආමන්තා.

(ක) යස්ස කායසඞ්ඛාරො උප්පජ්ජිත්ථ තස්ස චිත්තසඞ්ඛාරො උප්පජ්ජිත්ථාති? ආමන්තා.

(ඛ) යස්ස වා පන…පෙ…? ආමන්තා.

30. (ක) යස්ස වචීසඞ්ඛාරො උප්පජ්ජිත්ථ තස්ස චිත්තසඞ්ඛාරො උප්පජ්ජිත්ථාති? ආමන්තා.

(ඛ) යස්ස වා පන…පෙ…? ආමන්තා.

(ඛ) අනුලොමඔකාසො

31. යත්ථ කායසඞ්ඛාරො උප්පජ්ජිත්ථ…පෙ…

(යත්ථකම්පි සබ්බත්ථ එකසදිසං).

(ග) අනුලොමපුග්ගලොකාසා

32. (ක) යස්ස යත්ථ කායසඞ්ඛාරො උප්පජ්ජිත්ථ තස්ස තත්ථ වචීසඞ්ඛාරො උප්පජ්ජිත්ථාති?

දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො උප්පජ්ජිත්ථ, නො ච තෙසං තත්ථ වචීසඞ්ඛාරො උප්පජ්ජිත්ථ. පඨමජ්ඣානං සමාපන්නානං කාමාවචරානං තෙසං තත්ථ කායසඞ්ඛාරො ච උප්පජ්ජිත්ථ වචීසඞ්ඛාරො ච උප්පජ්ජිත්ථ.

(ඛ) යස්ස වා පන යත්ථ වචීසඞ්ඛාරො උප්පජ්ජිත්ථ තස්ස තත්ථ කායසඞ්ඛාරො උප්පජ්ජිත්ථාති?

රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිත්ථ, නො ච තෙසං තත්ථ කායසඞ්ඛාරො උප්පජ්ජිත්ථ. පඨමජ්ඣානං සමාපන්නානං කාමාවචරානං තෙසං තත්ථ වචීසඞ්ඛාරො ච උප්පජ්ජිත්ථ කායසඞ්ඛාරො ච උප්පජ්ජිත්ථ.

(ක) යස්ස යත්ථ කායසඞ්ඛාරො උප්පජ්ජිත්ථ තස්ස තත්ථ චිත්තසඞ්ඛාරො උප්පජ්ජිත්ථාති? ආමන්තා.

(ඛ) යස්ස වා පන යත්ථ චිත්තසඞ්ඛාරො උප්පජ්ජිත්ථ තස්ස තත්ථ කායසඞ්ඛාරො උප්පජ්ජිත්ථාති?

චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ චිත්තසඞ්ඛාරො උප්පජ්ජිත්ථ, නො ච තෙසං තත්ථ කායසඞ්ඛාරො උප්පජ්ජිත්ථ. පඨමජ්ඣානං දුතියජ්ඣානං තතියජ්ඣානං සමාපන්නානං කාමාවචරානං තෙසං තත්ථ චිත්තසඞ්ඛාරො ච උප්පජ්ජිත්ථ කායසඞ්ඛාරො ච උප්පජ්ජිත්ථ.

33. (ක) යස්ස යත්ථ වචීසඞ්ඛාරො උප්පජ්ජිත්ථ තස්ස තත්ථ චිත්තසඞ්ඛාරො උප්පජ්ජිත්ථාති? ආමන්තා.

(ඛ) යස්ස වා පන යත්ථ චිත්තසඞ්ඛාරො උප්පජ්ජිත්ථ තස්ස තත්ථ වචීසඞ්ඛාරො උප්පජ්ජිත්ථාති?

දුතියජ්ඣානං තතියජ්ඣානං චතුත්ථජ්ඣානං සමාපන්නානං සුද්ධාවාසානං දුතියෙ චිත්තෙ වත්තමානෙ තෙසං තත්ථ චිත්තසඞ්ඛාරො උප්පජ්ජිත්ථ, නො ච තෙසං තත්ථ වචීසඞ්ඛාරො උප්පජ්ජිත්ථ. පඨමජ්ඣානං සමාපන්නානං කාමාවචරානං ඉතරෙසං රූපාවචරානං අරූපාවචරානං තෙසං තත්ථ චිත්තසඞ්ඛාරො ච උප්පජ්ජිත්ථ වචීසඞ්ඛාරො ච උප්පජ්ජිත්ථ.

(ඝ) පච්චනීකපුග්ගලො

34. (ක) යස්ස කායසඞ්ඛාරො නුප්පජ්ජිත්ථ තස්ස වචීසඞ්ඛාරො නුප්පජ්ජිත්ථාති? නත්ථි.

(ඛ) යස්ස වා පන වචීසඞ්ඛාරො නුප්පජ්ජිත්ථ තස්ස කායසඞ්ඛාරො නුප්පජ්ජිත්ථාති? නත්ථි.

(ක) යස්ස කායසඞ්ඛාරො නුප්පජ්ජිත්ථ තස්ස චිත්තසඞ්ඛාරො නුප්පජ්ජිත්ථාති? නත්ථි.

(ඛ) යස්ස වා පන…පෙ…? නත්ථි.

35. (ක) යස්ස වචීසඞ්ඛාරො නුප්පජ්ජිත්ථ තස්ස චිත්තසඞ්ඛාරො නුප්පජ්ජිත්ථාති? නත්ථි.

(ඛ) යස්ස වා පන…පෙ…? නත්ථි.

(ඞ) පච්චනීකඔකාසො

36. යත්ථ කායසඞ්ඛාරො නුප්පජ්ජිත්ථ…පෙ….

(ච) පච්චනීකපුග්ගලොකාසා

37. (ක) යස්ස යත්ථ කායසඞ්ඛාරො නුප්පජ්ජිත්ථ තස්ස තත්ථ වචීසඞ්ඛාරො නුප්පජ්ජිත්ථාති?

රූපාවචරානං අරූපාවචරානං තෙසං තත්ථ කායසඞ්ඛාරො නුප්පජ්ජිත්ථ, නො ච තෙසං තත්ථ වචීසඞ්ඛාරො නුප්පජ්ජිත්ථ. චතුත්ථජ්ඣානං සමාපන්නානං සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ කායසඞ්ඛාරො ච නුප්පජ්ජිත්ථ වචීසඞ්ඛාරො ච නුප්පජ්ජිත්ථ.

(ඛ) යස්ස වා පන යත්ථ වචීසඞ්ඛාරො නුප්පජ්ජිත්ථ තස්ස තත්ථ කායසඞ්ඛාරො නුප්පජ්ජිත්ථාති?

දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො නුප්පජ්ජිත්ථ, නො ච තෙසං තත්ථ කායසඞ්ඛාරො නුප්පජ්ජිත්ථ. චතුත්ථජ්ඣානං සමාපන්නානං සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ වචීසඞ්ඛාරො ච නුප්පජ්ජිත්ථ කායසඞ්ඛාරො ච නුප්පජ්ජිත්ථ.

(ක) යස්ස යත්ථ කායසඞ්ඛාරො නුප්පජ්ජිත්ථ තස්ස තත්ථ චිත්තසඞ්ඛාරො නුප්පජ්ජිත්ථාති?

චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ කායසඞ්ඛාරො නුප්පජ්ජිත්ථ, නො ච තෙසං තත්ථ චිත්තසඞ්ඛාරො නුප්පජ්ජිත්ථ. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ කායසඞ්ඛාරො ච නුප්පජ්ජිත්ථ චිත්තසඞ්ඛාරො ච නුප්පජ්ජිත්ථ.

(ඛ) යස්ස වා පන යත්ථ…පෙ…? ආමන්තා.

38. (ක) යස්ස යත්ථ වචීසඞ්ඛාරො නුප්පජ්ජිත්ථ තස්ස තත්ථ චිත්තසඞ්ඛාරො නුප්පජ්ජිත්ථාති?

දුතියජ්ඣානං තතියජ්ඣානං චතුත්ථජ්ඣානං සමාපන්නානං සුද්ධාවාසානං දුතියෙ චිත්තෙ වත්තමානෙ තෙසං තත්ථ වචීසඞ්ඛාරො නුප්පජ්ජිත්ථ, නො ච තෙසං තත්ථ චිත්තසඞ්ඛාරො නුප්පජ්ජිත්ථ. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ වචීසඞ්ඛාරො ච නුප්පජ්ජිත්ථ චිත්තසඞ්ඛාරො ච නුප්පජ්ජිත්ථ.

(ඛ) යස්ස වා පන යත්ථ…පෙ…? ආමන්තා.