3. අසඤ්ඤසත්තා

1017. අසඤ්ඤසත්තානං දෙවානං උපපත්තික්ඛණෙ කති ඛන්ධා පාතුභවන්ති…පෙ… කති චිත්තානි පාතුභවන්ති?

අසඤ්ඤසත්තානං දෙවානං උපපත්තික්ඛණෙ එකො ඛන්ධො පාතුභවති – රූපක්ඛන්ධො; ද්වෙ ආයතනානි පාතුභවන්ති – රූපායතනං, ධම්මායතනං; ද්වෙ ධාතුයො පාතුභවන්ති – රූපධාතු, ධම්මධාතු; එකං සච්චං පාතුභවති – දුක්ඛසච්චං; එකින්ද්‍රියං පාතුභවති – රූපජීවිතින්ද්‍රියං. අසඤ්ඤසත්තා දෙවා අහෙතුකා අනාහාරා අඵස්සකා අවෙදනකා අසඤ්ඤකා අචෙතනකා අචිත්තකා පාතුභවන්ති.