(9) අපරාපි තිස්සො තණ්හා
917. තත්ථ කතමා අපරාපි තිස්සො තණ්හා? කාමතණ්හා, රූපතණ්හා, අරූපතණ්හා.
(ක) තත්ථ කතමා කාමතණ්හා? කාමධාතුපටිසංයුත්තො රාගො සාරාගො චිත්තස්ස සාරාගො – අයං වුච්චති ‘‘කාමතණ්හා’’.
(ඛ) තත්ථ කතමා රූපතණ්හා? රූපධාතුපටිසංයුත්තො රාගො සාරාගො චිත්තස්ස සාරාගො – අයං වුච්චති ‘‘රූපතණ්හා’’.
(ග) තත්ථ කතමා අරූපතණ්හා? අරූපධාතුපටිසංයුත්තො රාගො සාරාගො චිත්තස්ස සාරාගො – අයං වුච්චති ‘‘අරූපතණ්හා’’. ඉමා තිස්සො තණ්හා.