19-1. ආසවවිප්පයුත්තසාසවදුක-කුසලත්තිකං
කුසලපදං
හෙතුපච්චයො
48. ආසවවිප්පයුත්තං සාසවං කුසලං ධම්මං පටිච්ච ආසවවිප්පයුත්තො සාසවො කුසලො ධම්මො උප්පජ්ජති හෙතුපච්චයා. ආසවවිප්පයුත්තං අනාසවං කුසලං ධම්මං පටිච්ච ආසවවිප්පයුත්තො අනාසවො කුසලො ධම්මො උප්පජ්ජති හෙතුපච්චයා. (2) (සංඛිත්තං.)
49. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).
(සහජාතවාරොපි…පෙ… පඤ්හාවාරොපි විත්ථාරෙතබ්බො.)
අබ්‍යාකතපදං
හෙතුපච්චයො
50. ආසවවිප්පයුත්තං සාසවං අබ්‍යාකතං ධම්මං පටිච්ච ආසවවිප්පයුත්තො සාසවො අබ්‍යාකතො ධම්මො උප්පජ්ජති හෙතුපච්චයා. (1)
ආසවවිප්පයුත්තං අනාසවං අබ්‍යාකතං ධම්මං පටිච්ච ආසවවිප්පයුත්තො අනාසවො අබ්‍යාකතො ධම්මො උප්පජ්ජති හෙතුපච්චයා. ආසවවිප්පයුත්තං අනාසවං අබ්‍යාකතං ධම්මං පටිච්ච ආසවවිප්පයුත්තො සාසවො අබ්‍යාකතො ධම්මො උප්පජ්ජති හෙතුපච්චයා. ආසවවිප්පයුත්තං අනාසවං අබ්‍යාකතං ධම්මං පටිච්ච ආසවවිප්පයුත්තො සාසවො අබ්‍යාකතො ච ආසවවිප්පයුත්තො අනාසවො අබ්‍යාකතො ච ධම්මා උප්පජ්ජන්ති හෙතුපච්චයා. (3)
ආසවවිප්පයුත්තං සාසවං අබ්‍යාකතඤ්ච ආසවවිප්පයුත්තං අනාසවං අබ්‍යාකතඤ්ච ධම්මං පටිච්ච ආසවවිප්පයුත්තො සාසවො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
51. හෙතුයා පඤ්ච, ආරම්මණෙ ද්වෙ, අධිපතියා පඤ්ච…පෙ… ආසෙවනෙ එකං, කම්මෙ පඤ්ච, විපාකෙ පඤ්ච…පෙ… අවිගතෙ පඤ්ච (සංඛිත්තං).
පච්චනීයං
නහෙතුපච්චයො
52. ආසවවිප්පයුත්තං සාසවං අබ්‍යාකතං ධම්මං පටිච්ච ආසවවිප්පයුත්තො සාසවො අබ්‍යාකතො ධම්මො උප්පජ්ජති නහෙතුපච්චයා (සංඛිත්තං).
53. නහෙතුයා එකං, නආරම්මණෙ තීණි, නඅධිපතියා ද්වෙ …පෙ… නපුරෙජාතෙ චත්තාරි, නපච්ඡාජාතෙ නආසෙවනෙ පඤ්ච, නකම්මෙ නවිපාකෙ…පෙ… නමග්ගෙ එකං…පෙ… නවිප්පයුත්තෙ ද්වෙ…පෙ… නොවිගතෙ තීණි (සංඛිත්තං).
(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)