2. අකුසලපදං

හෙතුපච්චයො

32. ආසවඤ්චෙව සාසවඤ්ච අකුසලං ධම්මං පටිච්ච ආසවො චෙව සාසවො ච අකුසලො ධම්මො උප්පජ්ජති හෙතුපච්චයා… තීණි.

සාසවඤ්චෙව නො ච ආසවං අකුසලං ධම්මං පටිච්ච සාසවො චෙව නො ච ආසවො අකුසලො ධම්මො උප්පජ්ජති හෙතුපච්චයා… තීණි.

ආසවඤ්චෙව සාසවඤ්ච අකුසලඤ්ච සාසවඤ්චෙව නො ච ආසවං අකුසලඤ්ච ධම්මං පටිච්ච ආසවො චෙව සාසවො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

33. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).

පච්චනීයං

නහෙතුපච්චයො

34. සාසවඤ්චෙව නො ච ආසවං අකුසලං ධම්මං පටිච්ච ආසවො චෙව සාසවො ච අකුසලො ධම්මො උප්පජ්ජති නහෙතුපච්චයා (සංඛිත්තං).

35. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි විත්ථාරෙතබ්බා.)