1-6. පටිච්චවාරාදි

පච්චයචතුක්කං

හෙතු-ආරම්මණපච්චයාදි

9. සහෙතුකං අකුසලං ධම්මං පටිච්ච සහෙතුකො අකුසලො ධම්මො උප්පජ්ජති හෙතුපච්චයා. (1)

අහෙතුකං අකුසලං ධම්මං පටිච්ච සහෙතුකො අකුසලො ධම්මො උප්පජ්ජති හෙතුපච්චයා. (1)

සහෙතුකං අකුසලඤ්ච අහෙතුකං අකුසලඤ්ච ධම්මං පටිච්ච සහෙතුකො අකුසලො ධම්මො උප්පජ්ජති හෙතුපච්චයා. (1)

සහෙතුකං අකුසලං ධම්මං පටිච්ච සහෙතුකො අකුසලො ධම්මො උප්පජ්ජති ආරම්මණපච්චයා. සහෙතුකං අකුසලං ධම්මං පටිච්ච අහෙතුකො අකුසලො ධම්මො උප්පජ්ජති ආරම්මණපච්චයා. සහෙතුකං අකුසලං ධම්මං පටිච්ච සහෙතුකො අකුසලො ච අහෙතුකො අකුසලො ච ධම්මා උප්පජ්ජන්ති ආරම්මණපච්චයා. (3)

අහෙතුකං අකුසලං ධම්මං පටිච්ච සහෙතුකො අකුසලො ධම්මො උප්පජ්ජති ආරම්මණපච්චයා. (1)

සහෙතුකං අකුසලඤ්ච අහෙතුකං අකුසලඤ්ච ධම්මං පටිච්ච සහෙතුකො අකුසලො ධම්මො උප්පජ්ජති ආරම්මණපච්චයා. (1)

සහෙතුකං අකුසලං ධම්මං පටිච්ච සහෙතුකො අකුසලො ධම්මො උප්පජ්ජති අධිපතිපච්චයා (සංඛිත්තං).

10. හෙතුයා තීණි, ආරම්මණෙ පඤ්ච, අධිපතියා එකං, අනන්තරෙ පඤ්ච, සමනන්තරෙ පඤ්ච, සහජාතෙ පඤ්ච, අඤ්ඤමඤ්ඤෙ පඤ්ච, නිස්සයෙ පඤ්ච, උපනිස්සයෙ පඤ්ච, පුරෙජාතෙ පඤ්ච, ආසෙවනෙ පඤ්ච, කම්මෙ පඤ්ච, ආහාරෙ පඤ්ච, ඉන්ද්‍රියෙ පඤ්ච, ඣානෙ පඤ්ච, මග්ගෙ පඤ්ච, සම්පයුත්තෙ පඤ්ච, විප්පයුත්තෙ පඤ්ච, අත්ථියා පඤ්ච, නත්ථියා පඤ්ච, විගතෙ පඤ්ච, අවිගතෙ පඤ්ච (සංඛිත්තං).

නහෙතු-නඅධිපතිපච්චයා

11. සහෙතුකං අකුසලං ධම්මං පටිච්ච අහෙතුකො අකුසලො ධම්මො උප්පජ්ජති නහෙතුපච්චයා. (1)

සහෙතුකං අකුසලං ධම්මං පටිච්ච සහෙතුකො අකුසලො ධම්මො උප්පජ්ජති නඅධිපතිපච්චයා (සංඛිත්තං).

12. නහෙතුයා එකං, නඅධිපතියා පඤ්ච, නපුරෙජාතෙ පඤ්ච, නපච්ඡාජාතෙ පඤ්ච, නආසෙවනෙ පඤ්ච, නකම්මෙ තීණි, නවිපාකෙ පඤ්ච, නවිප්පයුත්තෙ පඤ්ච (සංඛිත්තං).

හෙතුපච්චයා නඅධිපතියා තීණි (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)